गुडीपाडवा भाग १

ब-याच दिवसांपासून सोशल मिडीयावर गुढी पाडव्या विषयी येणा-या विविध माहितीमुळे मनाची संभ्रमावस्था झाली होती. त्यातूनच या सणाच्या मागच्या मूळ उद्देषाचा शोध घेण्याचा हा एक प्रामाणिक प्रयत्न.
    या प्रयत्नांतून जे निष्कर्ष निघतील, ते काही अंतिम सत्य नव्हे याची मला कल्पना आहे. आपण स्वतः चिकित्सक बुध्दी वापरून आपले मत बनवावे ही नम्र विनंती.
   या सणाविषयी माहिती घेण्यापूर्वी, काही संकल्पना स्पष्ट असणे गरजेचे आहे.
   हिंदू किंवा मराठी महिने १२. वर्षाची सुरवात चैत्र महिन्यापासून होते तर शेवट फाल्गून महिन्यात. प्रत्येक महिन्याचे 30 दिवस.
  30 दिवसांचे दोन भाग
पहिला पंधरवडा - शुक्ल किंवा शुध्द पक्ष याचा पंधरावा दिवस पौर्णिमा.
दुसरा पंधरवडा -  कृष्ण किंवा वदय पक्ष याचा पंधरावा दिवस अमावस्या.

दक्षिण भारतात अमावस्येनंतर नविन महिनासुरू होतो तर उत्तरेत पौर्णिमेनंतर..

प्रत्येक २ महिन्याचे मिळून एक ऋतू तयार होतो. असे एकूण ६ ऋतू आहेत. वसंत ऋतू चैत्र आणि वैशाख मिळून तयार होतो.

गुढीपाडवा चैत्र ऋतूत असल्याने तो आपल्या साठी महत्वाचा.

गिरीश प्रभाकर कु-हाडे पाटील, पुणे
७७९८९८११९९